Театр «Саби»-йы уыд премьерæйы размæ спектаклы равдыст

0 Просмотры
Издатель
Нарты кадджытæм гæсгæ 'вæрд спектакль адæмы размæ рахастой театр «Саби»-йы. Сарæзтой йæ кадджыты абхазаг мотивтæм гæсгæ. Ног спектакль «Нарт Сосруко и пахарь» уал равдыстой театры кусджытæн, сæ хиуæттæн, стæй се 'мкусджытæн. Йæ премьерæ та уыдзæн фæззæджы.

Аивадуарзджытæ театр «Саби»-йы æнхъæлмæ кæсынц спектакльмæ. Стырæй-чысылæй цин кæнынц актертыл. Дисы сæ 'фтауы сæ уæлæдарæс æмæ музыкæ, стæй, æнæмæнг, куклатæ сæхæдæг дæр. Уазджытæн бацæттæ кодтой ног спектакль «Нарт Сосруко и пахарь», зæгъгæ. У Нарты Кадджыты абхазаг мотивтæм гæсгæ 'вæрд. Уæвгæ, театр бындурон цалцæджы фæстæ официалон æгъдауæй нæма байгом кодтой. Уымæ гæсгæ уал спектакль фыццаг равдыстой сæ хиуæттæн, стæй се 'мкусджытæн.

Спектакль «Нарт Сосруко и пахарь» у трилогийы дыккаг хай. Дыууæ азы размæ та сæвæрдтой фыццаг спектакль - Нарты Кадджы ирон хуызмæ гæсгæ – «Натр æмæ сызгъæрин фæткъуы», зæгъгæ. Театры кусджыты фæндтæ сты трилогийы æртыккаг спектакль та Нарты кадджыты адыгейаг хуызмæ гæсгæ сæвæрын. Проекты автор у театр «Саби»-йы аивадон разамонæг Гæлæуты Аслæнбег.

Ацы спектаклыл сæрмагондæй куыстой Абхазаг режиссер-æвæрæг Адгур Кове æмæ нывгæнæг Батал Джапуа. Уыимæ ма спектаклы ис Абхазийы адæмон поэт Геннадий Аламиайы 'мдзæвгæтæ.

Режиссёр-æвæрæг Адгур Кове йæхæдæг куыд зæгъы, афтæмæй тынг цымыдисаг хъуыды у, Нарты кадджытæм гæсгæ спектальтæ 'вæрын. Æмæ кæд бирæ азты драмон театры фæкуыста, уæд куклатимæ та - фыццаг хатт. Аргъауы хуызы спектакль дзуры, адæмы 'хсæн чи сæвзæры, ахæм ахсджиаг темæтыл - драмæ, æмжæ хатгай та ма трагиди дæр.

Спектакль «Нарт Сосруко и пахарь»-ы премьерæ уыдзæн фæззæджы. Уæд, кадджын уавæры байгом кæндзысты театр дæр. "Саби"-йы бæстыхайы цалцæггæнæн куыстытæ цыдысты иу афæдзы бæрц. Ныр ног театр æхсызгонæй æнхъæлмæ кæсы йæ чысыл аивадуарзджытæм.

Гугкаты Иринæ
_________________________
Мы рядом в:
Категория
Драмы
Комментариев нет.